Дэлхий нийтээр 1910 оноос эхлэн “Аавуудыг баяр”-ыг тэмдэглэн Манай улс 2005 оноос албан ёсоор 08 дугаар сарын 08-ны өдөр тэмдэгэн өнгөрүүлдэг болсон. Хамгаас хайрт аавдаа үргэлж хэлдэггүй хайртай гэдэг үгсээ хөөрхөн бяцхан дүү нар минь ил захидал хүргүүлэн хэлж амжаагүй үгсээ цахимаар хүргүүлэх боломжийг бүү алдаарай.

Сэлэнгэ аймгийн уяачдын анхааралд та бүхэн уралдаанч хүүхдийн аюулгүй байдлыг бүрэн хангаж Стандартын шаардлага хангасан хувцас хэрэгсэлтэй уралдаанд оролцуулна уу. Хамгаалалтын хувцас: ⭕️ Хамгаалалтын малгай ⭕️Хантааз ⭕️Тохойвч ⭕️Өвдгөвч ⭕️Шагайны хамгаалалттай гутал

Хүүхдийн хөдөлмөрийн эсрэг дэлхийн өдөр өнөөдөр тохиож байна.

"Тэгш боломжийн төлөө залуучуудын манлайлал" сургагч багш бэлтгэх төвийн бүсийн сургалтыг Хөдөлмөр, нийгмийн хамгааллын яам, НҮБ-ын хөгжлийн хөтөлбөртэй хамтран Манай аймагт амжилттай зохион байгуулж байна. Сургалтад Төв, Хөвсгөл, Орхон, Дархан-Уул, Булган аймгийн Залуучуудын хөгжлийн төвийн мэргэжилтэн нар маань сургагч багшаар бэлтгэгдэж, цаашид 10 сэдвийн хүрээнд 8 зорилтот бүлгийн сургалт зохион байгуулахаар төлөвлөж байна.

Монголын Хуульчдын холбооноос жил бүрийн 05 дугаар сарын 01-ний өдрийг “Хуульчийн Про боно” өдөр болгон тэмдэглэдэг бөгөөд энэ өдөр хуульчид өөрийн ажлын цагийн тодорхой хэсгийг нийтэд тустай мэргэжлийн үйл ажиллагаанд зарцуулдаг билээ.Энэ жил уламжлал ёсоор хуулийн болон төрийн захиргааны байгууллагууд хамтран хууль, эрх зүй зүйн зөвлөгөө, мэдээлэл, үйлчилгээг үнэ төлбөргүй өгөх өдөрлөгийг Сүхбаатарын талбайд зохион байгуулж байна. Энэхүү өдөрлөгөөр Хүүхдийн эрх хамгаалал, хүүхдийн эрхийн зөрчил, Гэр бүлийн хөгжил, хамгааллын талаар зөвлөгөө мэдээлэл өгч ажиллаж байна.

Сэлэнгэ аймгийн ирээдүй болсон хүүхэд залуучуудын нийгмийн идэвхи оролцоог нэмэгдүүлэх, хүсэл эрмэлзлэлийг нь сонсох, авьяас чадварыг нь илрүүлэх, хөгжүүлэх, эх түүхийн мэдлэгийг тэлэх зорилгоор зохион байгуулсан “Өчигдөргүй өнөөдөр гэж үгүй” сэдэвт аймгийн аварга шалгаруулах Дэвжээ тэмцээнийг Сэлэнгэ аймгийн социал демократ залуучуудын холбоо, ардын дуу, бүжгийн “Сэлэнгийн Долгио” чуулгатай хамтран ерөнхий боловсролын ахлах ангийн 8 багийн 80 гаруй сурагчдын дунд амжилттай зохион байгуулан өндөрлөлөө.

Үе тэнгийн дарамт, дээрэлхэлт, ялгаварлан гадуурхалтыг зогсоох түүнээс урьдчилан сэргийлэх “Өөр шигээ хүндэлье” уриатай “Найз байя” үндэсний аяны нээлтийг Сэлэнгэ аймагт албан ёсоор эхлүүлж, Гэр бүл, хүүхэд, залуучуудын хөгжлийн газрын хүүхдийн хөгжил оролцоо хариуцсан мэргэжилтэн М.Гантуяа, аймгийн хүүхдийн зөвлөлийн тэргүүн Мандал сумын ерөнхий боловсролын 4 дүгээр сургуулийн 10б ангийн сурагч Б.Түмэн-Өлзий нар нээж үг хэлж, нийт оролцогчдод хандан уриалга дэвшүүллээ.

"Дээрэлхэлтийн эсрэг үе тэнгийнхэн" аймгийн аварга шалгаруулах Карл Попперын мэтгэлцээний тэмцээн мэтгэлцээний 15 клубын нийт 45 сурагчдын дунд амжилттай зохион байгуулагдаж байна. Нийт оролцогч сурагчиддаа амжилт хүсье🇲🇳🎊👏👏👏